Bihar, barikua, 12 sindikatuk Palestinaren aldeko elkarretaratzeak deitu dituzte, 12:00etan, lantokien aurrean. SOS Rafah-STOP Genozidioa Langileok Palestinarekin leloarekin deitu dituzte mobilizazioak. Soraluzen, besteak beste, Soraluzeko Udaletxeko eta Pil-pilean Euskaltzaleon Elkarteko hainbat langilek bat egingo dute deialdiarekin. 

Soraluzeko EAJ-PNV udal taldeak herriko alde zaharreko pibote hidraulikoak eta apurtuta dauden kaleetako baldosak zaharberritzeko eskatu dio Udal Gobernuari. Oposizioko alderdiari ez zaio “zilegi” iruditzen piboteen ordez konoak daudenez, gidariak ibilgailutik jaitsi beharra haiek kendu eta gero berriro ipintzeko. Bestalde, jakinarazi du “zenbait kaletan zoruko baldosak apurtuta” izatearen ondorioz “zenbait herritar” erori egin direla.