Pentsiodunen mugimenduaren atzoko elkarretaratzean, Maiatzaren 1ari, Langileen Nazioarteko Egunari begira jarri eta eskaera zuzena egin zieten langileei eta pentsiodunei “borrokan jarrai dezaten”. “1886an borrokatzeak merezi izan zuen eta 8 orduko lanaldia lortu zen, 2024an ere, borrokatzea da gure berme bakarra aurrera egiteko eta gure aldarrikapenak lortzeko”, azpimarratu zuten.

Joan den barikuan,  euskal presoen eskubideen aldeko elkarretaratzea egin zuten Plaza Berrian, hileko azken barikuro moduan. Besteak beste, salatu zuten fiskaltzak eta justizia auzitegiek behin eta berriz “ezbaian” jarri dutela “EAEko agintari eskudunek betetzen duten espetxe politika euskal presoen kalterako, espetxeetako tratamendu batzordeek hartzen dituzten erabakien kontra, gradu progresioen eta espetxe baimenei dagozkien erabakien aurka” egin dutela.