Bihar, zapatua, Aloña Mendirekin neurtuko ditu indarrak Sorako Gorengo mailako taldeak, bi aste segidan etxetik kanpo jokatu ostean. 30. jardunaldia izango da, azkena, eta Ezoziko futbol zelaian jokatuko da, 16:30ean hasita.

Bi soraluzetar gazte, Ane Bastardo (Marras Irristaketa Taldea) eta Mikel Laiza (Burdinola Irristaketa Kluba) Valladolidera joanda dira domekara arte, Hockeyko Euskal Selekzioarekin lehiatzera. Egunotan jokatzen ari diren 16 urtez azpikoen selekzioen txapelketan parte hartzen dihardute. Argazkiak: Cristina Albisua.